Дома  I    Мапа  I    Контакт  I    Огласна Табла    


   
 
 
 
 
Погледнете ја статистиката за работењето на судот за актуелната година ...
 
 
 
 
 
 
Соопштенија за Јавност

Клучен збор:
Дата:
17.03.2017   СООПШТЕНИЕ ЗА ЈАВНОСТ

Почитувани

Денеска во просториите на Основен суд Скопје 1 – Скопје се реализираше планираната посета од страна на судиите од Апелационен суд Скопје, а воедно се одржа и седница на судии на која се разгледуваа резултатите од досегашното работење на овој суд, при што е констатирано дека и покрај зголемениот прилив на предмети во работа во последните три години, судиите при Основен суд Скопје 1  - Скопје со зголемен ангажман успеале да го намалат бројот на нерешени предмети и тоа за 10.566 предмети во однос на истиот период до 2014 година.

На седницата на судии при овој суд судиите дадоа свои предлози во врска со изготвувањето на Годишниот распоред за работа на судот.

Денеска, исто така претседателот на судот, Стојанче Рибарев во просториите  на овој суд оствари средба со обвинителката Катица Јанева од Јавното обвинителство за гонење кривични дела поврзани и кои произлегуваат од незаконското следење на комуникациите, на која средба се разговараше за актуелните прашања во врска со соработката на двете институции.

Со почит

Основен суд Скопје 1  - Скопје

16.03.2017   СООПШТЕНИЕ ЗА ЈАВНОСТ

Почитувани

Во текот на 15.03. и 16.03. 2017 година судиите во Основен суд Скопје 1 - Скопје на иницијатива на ВД Претседателот и судот во рамките на своите области на работа одржаа состаноци на кои го изразија своето мислење и предлози за изготвување на распоредот за работа на судиите.

На 17 март 2017 година ќе се одржи закажаната редовна работна посета на судиите од Апелациониот суд Скопје во Основниот суд Скопје 1 - Скопје на која ќе се разгледуваат актуелните прашања во врска со примената на законите, ажурноста во работењето и проблемите со кои се соочуваат судовите во секојдневното работење.  

Со почит

Основен суд Скопје 1  - Скопје

 

14.03.2017   СООПШТЕНИ ЗА ЈАВНОСТ

Почитувани.

Во Основниот суд Скопје 1 – Скопје, денеска, се изврши примпредавање на функцијата ВД Претседател на судот од судијата Татјана Михајлова на судијата Стојанче Рибарев кој од денеска започна со извршување на функцијата ВД Претседател на судот.

Воедно во текот на денешниот ден, новиот ВД Претседател одржа состанок со сите судии при овој суд како и состанок со раководителите на судската администрација, за тековните активности и работа во судот.

Со цел транспарентно и прецизно информирање на јавноста во текот на утрешниот ден на веб – страницата на судот ќе биде објавен месечниот извештај за работа на судот за изминатиот месец.

Со почит Основен суд Скопје 1 – Скопје.

03.03.2017   СООПШТЕНИ ЗА ЈАВНОСТ

Постапувајќи по предлози на Јавното обвинителство за гонење кривични дела поврзани и кои произлегуваат од незаконското следење на комуникациите (СЈО), пред судии на претходна постапка при Основниот суд Скопје 1 – Скопје вчера беа повикани двете лица, за кои се однесуваат предлозите за определување мерка притвор, да се признесат во однос на предлозите во присуство на Јавен обвинител од СЈО и овластен правен застапник.

Во одонос на лицето С.К. по разгледвуање и ценење на фактите и доказите приложени во предлогот за определување мерка притвор, судијата на претходна постапка донесе решение со кое го одби предлогот на СЈО.

На ова решение странките имаат право на жалба во рок од 24 часа.

Во однос на лицето В.А. Јавниот обвинител од СЈО пред судија на претходна постапка го повлече предлогот за определување мерка притвор и предложи определување мерки за претпазливост од член 146 став 1 точка 6 и точка 7 од ЗКП што по разгледување и ценење од страна на судијата на претходна постапка беше уважен и со решение определени се мерки -  Забрана за воспоставување, односно одржување контакти или врски со определени лица и мерка  Забрана за преземање определни работни активности кои се поврзани со кривичното дело.

Против ова решение странките имаат право на жалба во рок од  3 дена.

Со почит Основен суд Скопје 1 – Скопје.

27.02.2017   ДЕМАНТ

Демант

Постапувајќи по жалба на Јавното обвинителство за гонење кривични дела поврзани и кои произлегуваат од незаконското следење на комуникациите ( СЈО ) во однос на решение на судија на претходна постапка за утврдување на законитоста на извршен претрес на обвинителите од ова обвинитеслтво кај осомничено лице, Кривичниот совет при Основниот суд Скопје 1 – Скопје донесе решение со кое ја уважои жалбата на СЈО и предметот го врати на повторно одлучување кај судија на претходна постапка. Ги демантираме наводите објавени на одредени медиуми, повекувајќи се на информации од СЈО,  дека со оваа одлука на советот, не постои пречка прибавените докази од претресот да се користа во постапка, со оглед да Кривичниот совет има донесено решение за враќање на предметот кај судија на претходна постапка на повторно одлучување.

Во однос на соопштението на СЈО дека поднеле претставки против судии од Основниот суд Скопје 1 – Скопје пред Советот за утврдување факти, јавноста имаше можност да се запознае со односот и стручноста на Обвинителите од ова Јавно обвинителство кон судот кое го покажаа на последната главна расправа во предметот поврзан со настаните пред Општина Центар, а овие преставки пред Советот се уште еден од низата притисоци и закани врз судиите да одучуваат како што очекуваат и посакуваат од СЈО, независно од законските норми, во постапките кои ги водат пред судот.    

Со почит Основен суд Скопје 1 - Скопје.

22.02.2017   СООПШТЕНИ ЗА ЈАВНОСТ

Во досегашното 72 годишно постоење на Основниот суд Скопје 1 – Скопје не се памети вакво однесување и непочитување  на Јавен обвинител во судница, како  кон судот, судската власт така и кон судијата кој ја води постапката како што присутните можеа да го видат на денешното судење по предметот на  Јавното обвинителство за гонење кривични дела поврзани и кои приозлегуваат од незаконското следење на коминукациите (СЈО) против 14 обвинети лица за кривичното дело Насилство.

Како суд, заради транспaрентно информирање на граѓаните, но и заради јавниот интерес, должни сме да кажеме дека со  денешниот однос,  јавните обвинителки од посоченото обвинителство, Катица Јанева и Фатиме Фетаи во присуство на јавност во судницата, покажаа каков е нивниот однос кон судската власт во државата, однесувајќи се  дрско,крајно непрофесионално, злупотребувајќи го правото на збор и погазувајќи го секој принцип од кодексот на јавно обвинителска етика.

Судечкиот судија мирно и достонинствено како што доликува на вршител на судската власт, на записник го нотираше секој збор и навреда упатена кон неа лично како судија и судот пред кој се води постапката, при што за ваквото однесување повеќе пати ги опомена јавните обвинителки, како странка во постапката, да се воздржат од навреди и да постапуваат во рамките на професионалната етика. Но и покрај опoмените истите не престанаа да навлегуваат во збор на судијата, да го навредуваат, а со тоа да го нарушуваат редот во судницата и да не дозволат судијата непречено и сконцентрирано да слуша што се зборува во судницата и да го води записникот кој меѓудругото се доставува и до самите обвинители.

Но, тоа не беше доволно да се спречи очигледната намера на обвинителките, кои и покрај тоа што немаше услови да се одржи рочиштето поради неприсуство на неколку обвинети, да ја исполнат нивната цел денес како што и самите изјавија  да одглумат некаква улога, а истото дрско го препорачаа и на судијата да учи од нив како се глуми и да одглуми непристрасен судија.

Од сите овие причини судчекиот судија, согласно член 7 од Законот за СЈО,  а во врска со член 361 од ЗКП, донесе одлука предметот целосно да го достави до Советот на Јавни обвинители како  единствено тело надлежо да се признесе околу однесувањето на јавните обвинители од ова обвинителство.

Како суд должни сме да го задржиме нивото на професионално и законито постапување како што е предвидено во Уставот и Законите на Р. Македонија и ја повикуваме  јавноста будно да гo следи ваквото однесување на СЈО и константните напади и испади кон судската власт, а исто така како и до сега, сме транспарентни во однос на непосредно следење на судските процеси, како и контрола на истите, како од јавноста така и од сите надлежни државни институции меѓу кои Судски совет, Совет на Јавни обвинители, Здружение на судии , меѓународните претставници во земјата, со цел да се уверат во  упатените навреди и закани за кривично гонење на судии, од страна на ова обвинителство, што претставува атак врз судскиот систем на Р.Македонија.

Со почит Основен суд Скопје 1 - Скопје.

 

21.02.2017   СООПШТЕНИ ЗА ЈАВНОСТ

Во однос на повеќе новинарски прашања поврзани со годишниот распоред кои до судот беа испратени од медиумите: ТВ Телма, 24 вести, Алсат – М, НоваТВ, како и одредени неточни и непроверени информации кои беа објавени на одредени портали, одговорот за медиумите го објавуваме јавно и транспаретно.

ВД Претседателот на Основниот суд Скопје 1 – Скопје во текот на вчерашниот ден, на колегиум на сите судии при овој суд, согласно Законот за судови, по претходно произнесување на секој од судиите на Колегиум за прибавување милење со изјава за определба за специјализација од секој судија, а со оглед да се работи за единствен суд во Р.Македонија кој работи исклучиво на кривична и прекршочна материја, а со цел исполнување на функцијата како сервис на  граѓаните на Скопје и Р.Македонија и во рамките на потребите на судот за распределба на судиите по оддели и одделенија во кривичната област, утврден е и доставен до сите судии годишниот распоред за работа на ВД Претседателот и судиите на Основниот суд Скопје 1 – Скопје за 2017 година.

Зачудува интересот на поединци и објавувањето на невистините и непроверени инфромации во однос на Годишниот распоред за кој согласно Законот за судови, Претседателот или ВД Претседателот на секој суд е должен да го утврди, како би се исполнила функцијата на судот и изршителите на судската функција. Секој судија во овој суд е избран за судија на Основниот суд Скопје 1 – Скопје, а не за оддел или одделение во кое ќе биде распореден да постапува, па нејасна е квалификацијата на „подобни и неподобни“ судии и нејасно е за кого и во кој контекст. Проценката кој судија во кој оддел или одделение ќе биде распоред е законски утврдена и е право на Претседателот или ВД Претседателот на судот, па од таму нејасни се објавените дезинформации за некакво задоволување на желбите или „чистка“ на одредени судии.

Годишниот распоред се утврдува единствено во функција за ефикасно работење на судот, а пред се да се задоволат потребите на граѓаните.

Годишниот распоред почнува да се применува од  1 март 2017 година и во најскоро време списокот на судии ќе биде ажуриран и на веб – страницата на судот.

Судот во целост  ги демантира наводите на одредени интернет портали дека со Годишниот распоред за работа на судот се прераспоредени само судии кои биле потпишани на петиција против поранешниот претседател или судии кои постапуваат само по предмети на СЈО, или судии кои се „подобни или неподобни“, со оглед да судиите се распоредуваат согласно Закон и потребите по оддели и одделнија зависно од бројот на предмети кои се во работа во судот со цел да не се дозволи било каков застој во постапувањето и одолговлекување на постапките.

За судот е нејасно каква екслузивна вест претставува Годишниот распоред за работа во судот, кога таков распоред се утврдува секоја година и секоја година се вршат распределби и прераспределби на судии по оддели и одделенија зависно од потребите на судот за што и досега јавно и трансапретно сме известувале.

Бареме соопштението да биде презмено и објавено во целост.

20.02.2017   СООПШТЕНИ ЗА ЈАВНОСТ

Постапувајќи пои предлог на Основното јавно обвинителство за гонење организиран криминал и корупција во Основниот суд Скопје 1 – Скопје пред судија на претходна постапка беа изведени 5 лица осомничени за кривичното дело Неовластено производтство и пуштање во промет на наркотични дроги, психотропни супстанци и прекурсори од член 215 ст.3 вв ст.1 од КЗ кои во присуство на јавен обвинител и нивниот правен застапник се произнесоа во врска со предлогот на обвинителството.

По ценење на фактите и доказите приложени во предлогот и сослушување на осомничените, судија на претходна постапка донесе решенија со кои го прифати предлогот на обвинителството и на лицата:

С.Р., М.З., З.С., М.М., Д.М., поради постоење на причините предвидени во член 165 ст.1 т.1,2 и 3 од ЗКП, односно опасност да се даде во бегство, околности кои укажуваат дека може да ја попречуват кривичната постапка и страв да не го повторат кривичното дело, им определи мерка притвор во траење од 30 дена.

Против решенијата на судија на претходна постапка, странките имаат право на жалба.

Со почит Основен суд Скопје 1 – Скопје.

01.02.2017   СООПШТЕНИЕ ЗА ЈАВНОСТ

Во врска со објавеното соопштение од страна на Јавното обвинителство за гонење кривични дела поврзани и кои произлегуваат од незаконското следење на комуникациите ( СЈО ), Основниот суд Скопје 1 – Скопје во интерес на правилно, целосно и вистинито запознавање на јавноста со реалната состојба во релaција на судот со конкретното обвинителство информираме за следното:

Имено, на посочената дата од страна на СЈО, 20.01.2017 година, Јавениот обвинител Лиле Стефанова од СЈО додека сеуште траело работното време во судот, пристигнала во судот и се упатила директно кај дежурниот судија на претходна постапка со 4 барања, што е констатирано и од самиот дежурен судија на барањата кој ги примил во 16:05 часот, без притоа обвинителот истите да ги поднесе преку приемното одделение кај овластениот службеник, а што е спротивно од Деловникот за работа на судот и укажувањето на претседател на судот, да се почитува Деловникот за работа при прием на писмена во судот, заведување и оформување  предмет и внесување во АКМИС – електорнскиот систем на судот.

За судот е нејасно зошто, и покрај воспоставените процедури, јавниот обвинител Лиле Стефанова не ги испочитувал истите и се упатил директно до дежурниот судија на претходна постапка и конкретните барања не се спроведени на соодветен начин и не се внесени во АКМИС системот, а имајќи предвид дека имало доволно време со оглед да работното време на судот е до 16:30 часот, а дежурниот судија постапува по 16:30 часот.

Во однос на предметите во Кривичните совети при овој суд, истите се доделуваат на ист начин како и во останатите оддели, односно исклучително се внимава кој судија колку пати постапувал во советите, а со цел да се запази принципот на рамномерност односно подеднаква распределба на предметите кај сите судии кои одлучуваат самостојно.

Дополнително, зачудува заканувачкиот вокабулар во писмените дописи и јавни соопштенија на СЈО кон судот и судиите, а јавното повторување на имињата и презимињата на судии на претходна постапка и судии во Кривичните совети кои постапуваат по конкретни предмети не можат да  влијаат врз судиите во овој суд и нивното непристрасно и законито одлучување.

Особено ако се земе во предвид начинот на презентирање на соопштенијата каде за судските одлуки од кои СЈО не се задоволни ги објавуваат имиња и презимиња на судиите, додека за оние одлуки од кои се задоволни не ги објавуаат имињата и не се информира јавноста иако се работи за истите судии со што се прави обид за јавен линч на судиите.

Постапувањето согласно Законските процедури и Судскиот деловник од страна на судиите при овој суд во никој случај не претставува „отежнување“ на нечија работа, особено ако другата страна очигледно, намерно или случајно, излегува од воспоставната процедура по која и претходно се постапувало.

Со почит Основен суд Скопје 1 – Скопје.

 

18.01.2017   СООПШТЕНИЕ ЗА ЈАВНОСТ

Во однос на вчерашното подготвително рочиште за предметот со К.бр 1905/16 во кој Јавното обвинителство за гонење кривични дела поврзани и кои произлегуваат од незаконското следење на комуникациите (СЈО) гони 7 лица за кривичното дело Фалсификување исправа, а со цел транспарентно и прецизно информирање, ја известуваме јавноста дека од страна на одредени  медиумит, кои известуваа од вчерашното рочиште, е погрешно пренесено  дека судот дал ново задолжение на СЈО да побара декласификација на класифицираните информации кои тие ги предлагаат како доказ во постапката.

Имено такво задолжение на обвинителите им е дадено уште на претходното подготвително рочиште од 28.11.2016 година по кое обвинителството сеуште не постапило во целост, а и покрај барањето на одбраната овие докази да бидат отфрлени со оглед да СЈО сеуште не обезбедило нивна декласификација, со цел, согласно ЗКП истите да може да се користат во судска постапка, судот вчера не даде нова обврска – задолжение, туку одлучи да закаже дополнителен термин на 13 март, за продолжување на подготвителното рочиште, до кога обвинителството треба да постапи по претходно даденото задолжение.

Со почит Основен суд Скопје 1 – Скопје.  

12345678910...